Les mots surlignés font l'objet d'une note
1Monseigneur, suyvant lattache quil vous a pleu balhier à monsieur
2de La Magdellaine pour le faict des munitions des chevaulx, apprès
3que ledit sieur a heu faict inventaire et description desdites munitions,
4il est en deliberation comme de ce aiant charge ainsi quil dict,
5les faire pourter à Lyon, ce que nous navons voullu permectre
6jusques ace quil vous aura plus le nous mander, ce que
7nous vous supplions par le premier. Nous vous avons,
8ce matin, envoié ung pacquet de messieurs les commis du
9peys par la poste. Ne scavons si lavés receu
10Monseigneur, nous prions le Createur vous tenir en sa sainte
11garde. De Vienne, ce XVIe octobre
12Voz très humbles serviteurs les consulz de Vienne
13Savignieu